Монгол Улсад анх удаа мөрний үеийг бүтэн солих мэс засал хийлээ

ГССҮТ-ийн Гар сарвууны мэс заслын тасгийн хамт олон Монгол Улсад анх удаа мөрний үеийг бүтэн солих мэс заслыг амжилттай хийж, эмчилгээний шинэ технологи нэвтрүүлжээ.

Гар сарвууны мэс заслын тасагт дээд мөчний үе солих мэс засал, мөчдийн судас шөрмөсний гэмтлийн мэс засал, тасарсан мөч залгах, яс зөөлөн эдийн дутмагшлыг нөхөн сэргээх бичил мэс заслуудыг үзүүлж байна. Мөн төрөлхийн болон олдмол согог засах мэс заслын тусламж үйлчилгээг олон улсын түвшинд хийж байна.