Х.НЯМБААТАР: 32-ын тойрог, тав, зургаан буудал, Дэнжийн мянга орчмын 12 мянган айлын газрыг орон сууцаар своп хийх нөхцөлөөр нүүлгэн шилжүүлнэ

Энэ жил 20 мянган айлын орон сууцны төсөл хөтөлбөр хэрэгжүүлэх гэж байна. Улаанбаатар хотын төв талбайгаас хойш 1.7 км зайд байгаа Сэлбэ дэд төвийн 160 га газарт төлөвлөлт хийлгээд ажлын зураг боловсруулах тендер зарлачхаад явж байна. Энд 12 мянган айлын орон сууцны хороолол барина. Энэ байрыг барьж чадвал 32-ын тойрог, 5, 6 буудал, Дэнжийн мянга орчмын 12 мянган айлын газрыг орон сууцаар своп хийх нөхцлөөр нүүлгэн шилжүүлнэ. Энэ тохиолдолд 701 га газрын газар чөлөөлөлт болно. Хэрвээ ингэж чадвал Улаанбаатар хотын нийт гэр хорооллын 4/1-ийг төлөвлөлтийн дагуу  орон сууцжуулах боломж нээгдэж, газар чөлөөлөлт хийгдэн дахин төлөвлөлт хийнэ.